L'UOCCHIE TUOJE CANTAVANO LL'AMMORE

E' fernuta n'ata nuttata,
o'sole chianu chianu m'ha scetata,
famme durmì ancora, famme sunnà
so mumente ca me voglie arricurdà.

L'uocchie tuoie parlavano d'ammore
comme a' na nonna nonna cantavano pe' mme,
e sott'e stelle d''o cielo cchiù lucente ,
nuje c'astrigneveme senza penza' a niente.

Addò staje core ca m'hè 'ncatenata,
vulesse nun fa passà maje sta nuttata,
vieneme nzuonno, damme chilli 'vase,
ca nun m hè dato 'o tiempo d''e cuntà.

Portame ancora ncielo cu na canzone,
guardame ancora ccu l'uocchie 'e ll'ammore,
mentre a' luce d''o sole 'e stu juorno ngrato
trase pe sta fenesta comm''a nu core scunsulato.